Loog kehte huwe teri nazron se sambhalte honge
Ke inn aankhon se to pathar bhi pighalte honge
Kiyun ayaan hoti hay shehr me aksar Khaamoshi
Kay tere qadam shayad, ghar se nikalte honge
Main jaanta hoon teri thakan taweel musafaton ki
Kiyun na ho, saath tere raste bhi chalte honge
Yeh maana ke masihayee he teri tabassum lekin
Teri shafqat me kaee zakhm bhi palte honge
Tujh pe barasne ko yeh baadlon ki dast-e-girebani
Kab aaye gi baari, mausam bhi machalte honge
Jo teri saadgi ke charhce kabhi ho jaen aasman per
Tujhe likhne ko kaandhon pe Farishte badalte honge
Yeh ik ghazal hey Adil ya keh aks-e-jamal un ka
PaRh kar teri ghazal, shayar bhi jalte honge.
No comments:
Post a Comment