kuch to havaa bhii sard thii kuch thaa teraa Khayaal bhii
dil ko Khushii ke saath saath hotaa rahaa malaal bhii
baat vo aadhii raat kii raat vo pure chaand kii
chaand bhii ain chet kaa us pe teraa jamaal bhii
sab se nazar bachaa ke vo mujh ko aise dekhate
ek dafaa to ruk gayee gardish-e-maah-o-saal bhii
dil to chamak sakegaa kyaa phir bhii taraash ke dekh lo
shiishaagaraan-e-shahar ke haath kaa ye kamaal bhii
us ko na paa sake the jab dil kaa ajiib haal thaa
ab jo palaT ke dekhiye baat thii kuch muhaal bhii
merii talab thaa ek shaKhs vo jo nahi milaa to phir
haath duaa se yon giraa bhuul gayaa savaal bhii
shaam kii naasamajh havaa puuchh rahii hai ik pataa
mauj-e-havaa-e-kuu-e-yaar kuch to meraa Khayaal bhii
us ke hii baazuon men aur us ko hii sochate rahe
jism kii Khvaahishon pe the ruuh ke aur jaal bhii …..!!!
No comments:
Post a Comment