Bikhar-te toot-te lamhon ko apna hamsafar jana
tha is raah mein aakhir hamein Khud bhi bikhar jana
hava ke dosh par baadal ke tukde ki tarah ham hain
kisi jhonke se poochhenge ke hai ham ko kidhar jana
mere jalte hue ghar ki nishaani bas yahi hogi
jahan is shehar mein raushni dekho Thehar jana
pas-e-zulmat koi sooraj hamara muntazir hoga
isi ek veham ko ham ne chiragh-e-rah_guzar jana
dayaar-e-Khaamoshi se koi reh-reh kar bulata hai
hamein ek din hai isi aawaz par jana…
No comments:
Post a Comment